O le mafuaga na mafai ai ona ou tusia lenei tusi ona o le mana o le Agaga Paia ma faaaliga na ou vaaia, ae e le o so'u poto po o so'u malosi. Na pau lava la'u galuega na fai o le tuufaatasia lea o mau o le Afioga Paia a le Atua, ina ia mafai ona faigofie ona malamalama i ai le toatele o tagata o loo fia malamalama i le upu moni o le Atua. O mataupu foi la ia o loo i totonu o lenei tusi, o loo faasolosolo lelei mai lava le faamalamalamaina i le mafuaga ma le amataga o lea mataupu ma lea mataupu, se ia oo mai lava i le taimi lenei o loo tatou ola ma soifua ai. Ma le faamoemoe autu o lenei tusi mai i le Atua, ma ia faaolaina ai ni agaga se toatele, aua o lea ua uma ona faailoa uma mai e le Atua le tele o mataupu o loo fia malamalama i ai le toatele o tagata aemaise lava tagata Kerisiano ma o mataupu uma ia nei o lo'o faamalamalamaina i totonu o le tusi.